వీడియో చూసి నా బిడ్డను గుర్తించ.. ఉజ్జయిని బాధితురాలి తండ్రి

ఉజ్జయిని మధ్యప్రదేశ్లోని ఉజ్జయిని నగరంలో పన్నెండేళ్ల బాలికపై జరిగిన ఘోర అత్యాచార ఘటనలో దర్యాప్తు కొనసాగుతుండగా.. ఒక బంధువు చూపించిన వైరల్ వీడియో ద్వారా బాధితురాలి తండ్రికి ఈ దారుణం గురించి తెలిసింది.

ఉజ్జయిని మధ్యప్రదేశ్లోని ఉజ్జయిని నగరంలో పన్నెండేళ్ల బాలికపై జరిగిన ఘోర అత్యాచార ఘటనలో దర్యాప్తు కొనసాగుతుండగా.. ఒక బంధువు చూపించిన వైరల్ వీడియో ద్వారా బాధితురాలి తండ్రికి ఈ దారుణం గురించి తెలిసింది. సత్నా జిల్లాకు చెందిన ఈ బాలిక పాఠశాలకు వెళ్లేందుకు ఇంటి నుంచి బయలుదేరిన తర్వాత దుండగుల బారినపడినట్టు తాజాగా బయటకు వచ్చింది. బాధితురాలి తండ్రి ఓ జాతీయ మీడియా సంస్థతో మాట్లాడుతూ.. ఉజ్జయిని వీధుల్లో బాలిక నడుస్తున్న వీడియోను తన బంధువు చూపించిన తర్వాత ఈ విషయం తెలిసిందని వాపోయారు. సెప్టెంబరు 24 నుంచి ఆమె కనిపించకుండా పోయిందని చెప్పారు. చుట్టుపక్కల ప్రాంతాల్లో వెదికి, ఆ మరుసటి రోజు పోలీసులకు ఫిర్యాదు చేశామన్నారు. దుండగుల చేతికి చిక్కి న బాలిక ఆ తర్వాత తీవ్ర రక్తస్రావం తో సాయం కోసం కాలినడకన 8 కి.మీ. నడిచినట్లు వెల్లడికావడం అందరినీ కలచివేసింది