బై బై పాకిస్తాన్ ట్రెండింగ్‌.. మీమ్స్ వైర‌ల్‌

అనుకున్న‌దే జ‌రిగింది! పాకిస్తాన్ టీ20 ప్రపంచకప్ 2024 నుంచి నిష్క్రమించింది. ఫ్లోరిడాలో శుక్రవారం అమెరికా, ఐర్లాండ్ జట్ల మధ్య జరగాల్సిన మ్యాచ్ వర్షం కారణంగా రద్దవడంతో పాకిస్తాన్ సూపర్ 8 అవకాశాలు ముగిసిపోయాయి. రాబోయే మార్పులను పరిశీలిద్దాం.

శుక్రవారం అమెరికా, ఐర్లాండ్ మధ్య కీలకమైన మ్యాచ్ ఒక్క బంతి కూడా పడకుండానే వర్షం కారణంగా రద్దయింది. ఇరు జట్లకు ఒకొక్క పాయింట్ కేటాయించారు. ఈ పరిణామంతో పాకిస్తాన్ సూపర్ 8కి చేరే అవకాశాలు మూసుకుపోయాయి.

పాకిస్తాన్ టీ20 ప్రపంచకప్ 2024లో ప్రయాణం మొదటి నుండి కష్టాలే. మొదటి మ్యాచ్‌లో అమెరికా చేతిలో, రెండో మ్యాచ్‌లో భారత చేతిలో ఓడిపోయారు. కెనడాపై విజయంతో సూపర్ 8కు చేరేందుకు కొంత ఆశ చూపినా, చివరి మ్యాచ్ గెలిచి ఇతర జట్ల సమీకరణాలు కలసి రావాలని భావించారు. కానీ, వర్షం కారణంగా మ్యాచ్ రద్దు కావడం పాకిస్తాన్ అవకాశాలను ముగించింది.

పాకిస్తాన్ టీ20 ప్రపంచకప్ నుండి త్వరగా నిష్క్రమించడంతో, #ByeByePakistan హ్యాష్ ట్యాగ్ సోషల్ మీడియాలో వైరల్ అయింది. ఫ్యాన్స్ మరియు నెటిజన్లు ఫన్నీ మీమ్స్ మరియు పోస్టులను పంచుకుంటున్నారు.