ముల్లంగి ఆకుల్లో ఉన్న అద్భుతమైన ఆరోగ్య ప్రయోజనాలు తెలిస్తే... 🌿💪
- Shiva YT
- Dec 21, 2023
- 1 min read
ముల్లంగి ఆకుల్లో ఫైబర్ పుష్కలంగా ఉంటుంది. ఇది జీర్ణవ్యవస్థ పనితీరును మెరుగుపరుస్తుంది. పేగు కదలికలను సులభతరం చేస్తుంది. మలబద్ధకం, ఎసిడిటీ, కడుపు ఉబ్బరం వంటి సమస్యల నుంచి రక్షిస్తుంది ముల్లంగి ఆకులతో చేసిన ఆహారం. జీర్ణ సమస్యలతో బాధపడేవారు తమ డైట్లో ముల్లంగి ఆకులను చేర్చుకోవటం మంచిది.
ముల్లంగి ఆకుల్లో ఐరన్ సమృద్ధిగా ఉంటుంది. ఇది రక్తంలో హిమోగ్లోబిన్ స్థాయిలను పెంచుతుంది. అనిమియా కారణంగా బాధపడేవారు.. వారి డైట్లో ముల్లంగి ఆకులు కచ్చితంగా చేర్చుకోవాలని నిపుణులు సూచిస్తున్నారు.
డయాబెటిస్ బాధితులకు ముల్లంగి గొప్ప డైట్ ఆప్షన్ అంటున్నారు ఆరోగ్య నిపుణులు. ముల్లంగి ఆకులు రక్తంలో చక్కెర స్థాయిలను కంట్రోల్లో ఉంచడానికి సహయపడుతుంది. దీనిలో ఉండే ఫైబర్ బ్లడ్ షుగర్ లెవల్స్ని కంట్రోల్లో ఉంచుతుంది.
లో బీపీ సమస్యతో బాధపడేవారు ముల్లంగి ఆకులను క్రమం తప్పకుండా ఆహారంలో చేర్చుకోవటం వల్ల మేలు జరుగుతుందని ఆరోగ్య నిపుణులు అంటున్నారు. ముల్లంగి ఆకుల్లో సోడియం ఉంటుంది. ఇది రక్తపోటును స్థిరీకరించడానికి సహయపడుతుంది. 🍀💉
