ఉచిత బస్సులో ఊరికే వెళ్లకుండా..భలేగా టైమ్ సేవ్ చేస్తున్నారే..!
- MediaFx
- Jul 22, 2024
- 1 min read
ఉచిత సదుపాయంతో మహిళలు పెద్ద సంఖ్యలో ప్రయాణాలు చేస్తున్నారు. షాపింగ్ల పేరిట కొందరు, పుణ్యక్షేత్రల దర్శనార్థం చాలా మంది ఉచిత బస్సులో ప్రయాణిస్తున్నారు. ఇక ఫ్రీ బస్లో ప్రయాణిస్తున్న ఒక మహిళ వెల్లుల్లి పొట్టు తీస్తుండగా బస్సులో ఉన్న తోటి ప్రయాణికులు అదంతా వీడియో తీశారు. ఈ ఘటన హన్మకొండ నుంచి సిద్దిపేటకు వెళ్తున్న బస్సులో చోటు చేసుకుంది. బస్ జర్నీ చేస్తూనే ఆమె ఏంచక్కా వెల్లుల్లీ పొట్టు తీసుకుంటోంది. కొందరు ఆమె చేస్తున్న నిర్వాకాన్ని వీడియో తీసి సోషల్ మీడియాలో పోస్ట్ చేశారు. దీంతో అది కాస్తవైరల్ గా మారింది.దీన్ని చూసిన నెటిజన్లు మాత్రం.. ఇదేంది నాయన ఫ్రీబస్సు సదుపాయాన్ని ఇలా కూడా ఉపయోగించుకుంటారా.. అంటూ ఫన్నీగా కామెంట్లు చేస్తున్నారు. ఒకప్పుడు రైలు, బస్సులో ప్రయాణిస్తూ బిస్కట్లు, పల్లీ బఠాణీలు, ఇతర స్నాక్స్ వంటివి తినేవాళ్లు. కానీ ఇప్పుడు మహిళలు మాత్రం.. తమకు ఇంటి వద్ద టైమ్ సరిపోవటం లేదని..ఇలా బస్ జర్నీ చేస్తు ఇంటి పనులతో టైమ్ పాస్ చేస్తున్నారంటూ మరికొందరు నెటిజన్లు అంటున్నారు. ఏది ఏమైనా ఫ్రీ బస్ జర్నీ ఆడవారికి బాగానే కలిసొచ్చిందని చెబుతున్నారు.
